LOK ADALAT

-
LOK ADALAT

Lok Adalat chu 'People's Court' tihna a ni a, Ancient India atang daih tawhin thubuai tênau chin fel nan an lo hmang tawh thin a ni. He Lok Adalat hi Gandhian Principles zîngah awmin Mahatma Gandhi khân thubuai chin felna tha ber leh muanawm berah a ngâi a, Alternative Dispute Resolution zîngah a tel bawk. Lok Adalat-ah hian case hrang hrang court-in a la chin fel loh leh court-in a la rem hman loh hrim hrim te chu ngaihtuah thin an ni.
Lok Adalat-hi a tîr chuan khawi dânah mah ziahlan a ni lo a, mahse India zalen hnua a hmasa ber tûrin kum 1982 khan Gujarat-ah Lok Adalat-hi neih niin thubuai tênau eng emaw zat chin fel a ni a, hemi hnu hian a khat tawkin state leh district hrang hrangah te neih a ni chho ta zêl a ni. He Lok Adalat hian kum 1987 khân dân ang taka din theihna tûr (statutory status) hmuin Legal Services Authorities Act of 1987-ah Lok Adalat dinna tûr leh a kaihhnawih hrang hrang te chu zeh tel a ni ta a ni. He dânin Lok Adalat chungchâng dân a siam hrang hrang te chu:

1. Lok Adalat-hi District Legal Services Authority emaw State Legal Services Authority emaw High Court Legal Services Committee emaw Supreme Court Legal Services Committee emaw Taluk Legal Services Committee-te chuan an thuneihnain a huam chinah an huaihawt thei a ni.

2. Lok Adalat-ah hian thubuai remtute chu Judicial Officer châwl tawh emaw nilai mek leh a huaihawttu (thuneitu)-ten țûl leh tha an tih ang te an ni thin a, a tlângpuiin Judicial Officer pakhat, Ukil pakhat leh Social Worker pakhat te Lok Adalat Member tûr hian ruat an ni tlângpui thin a ni.

3. Lok Adalat-in thubuai a rem theih chi te chu:

a).  Court-in thubuai a tihkhawtlai, thutlukna a la siam loh te (pending case): Hetiang thubuai neitute chuan an thubuai ching fel tûra Lok Adalat pan an remti emaw a tu emaw zawk zawkin Court hnena Lok Adalat-a kal a duhthu ziaka a thlen hnua court-in a lo phalsak chuan Lok Adalat chuan thubuai chu a ngaihtuah thei ang.

b). Court a thubuai thlen tawh Court-in a la ngaihtuah si loh te (pre-litigation stage): Hetiang thubuai neitute chuan Lok Adalat-a an thubuai chu chin fel an remti a nih chuan Lok Adalat-ah ngaihtuah theih a ni.

4. Lok Adalat-te hi din an nìh chhûng chu Court tak tak ang niin Code of Civil Procedure of 1908-in Civil Court-te hnena thuneihna a pêk ang te chu Lok Adalat-hi pek ve a ni a, entir nan, Thubuai kaihhnawih a thuhretu koh (summon) theihna te, Thubuai kaihhnawih finfiahna te hailan leh endik theihna leh a dangte.

5. Lok Adalat thutlukna chu thutâwp a ni a, court sâng zawka thlen tûr pawhin Constitution of India hnuaia Article 226 leh 227 tlawhchhana Writ Petition kaltlang lo chuan thlen (appeal) theih a ni lo.

6. Lok Adalat-a thubuai ngaihtuah a nih hian sum engmah chawi ngâi a awm lo a, thubuai te chu thubuai neitu lehlam ve ve te lungawina anga rem tûr a nih bakah rang taka chin fel theih tûra duan a ni.

Kum 2002 khan Lok Adalat nghahchhan Legal Services Authority Act, 1987 chu siamthain Lok Adalat kalphung tam tak chu a pangngaia dah ni mah se; he dân thar hian 'Permanent Lok Adalat din a remti ta a, a khât tâwka a țûl huna din thin Lok Adalat ni lo Lok Adalat nghet leh engtik lai pawha thubuai ngaihtuah thei a ni. He Permanent Lok Adalat hi Lok Adalat nghet lo (temporary) aiin kawng tam takah thuneihna leh mawhphurhna sâng zawk hmanga thuam a ni. (Lok Adalat tih tawp leh Permanent Lok Adalat hian kum 2002 hnu lamah chuan dânglamna an nei tihna a nih chu).

Lok Adalat leh Permanent Lok Adalat dânglamna lian ber pakhat chu Lok Adalat chuan thubuai neitu lehlam ve ve te lungawi tawnna ang chauhin thutlukna a siam theih laiin Permanent Lok Adalat chuan dik leh tha ber nia a ngaih angin thubuai te chu a rem thei thung a ni. Tin, Permanent Lok Adalat hian Public Utility Service kaihhnawih thubuai te chauh a ngaihtuah thei a ni.

Comments

Post a Comment

Popular posts from this blog

PUBLIC ADMINISTRATION BOARD EXAM QUESTIONS & ANSWER KEY 2025, 2026

-
Image
PUBLIC ADMINISTRATION 2025 BOARD EXAM MCQ a) ii) Presidential Govt b) ii) 1612 c) iv) B.R Ambedkar  d) i) The Union Law prevails e) i) Cabinet Secretary  f)  iii) ABC only g) ii) Governor  h) i) Chief Secretary  i)  iv) ACD only (B na chu de facto tur de jure chu Governor) j) iii) Both Secretariat &. Directorate  k) iv) Primary Education  l) i) AB only m) ii) 48 hrs n) i) 1st January, 2014 o) iv) All of these p) AB tur a ni. ( *ExplanationB na Hetah hian 12th October, 2005 tur a ni a, 13 a in ti, C na hi 5 years turah 6 years a in ti a, Incorrect a ni. A chhan na ah AB a awm loh avangin compensate tur a ni anga, mark in hmuh vek a rinawm)*
Read more

Topic : Deputy Commissioner paper presented by Group 1 (Unbeaten)

-
Image
Group - 1 Topic : Deputy Commissioner Group Member te : 1. H.D. Zonuntluangi (Presenter) 2. K. Ngaihtlingi 3. Lalfamkima 4. Lalhruaimawia 5. Lalhminghlu-a (Note : Edit theih lai lai edit a ni a, a thu leh eng emaw ah dik lo awm thei a ni bawk a, chhiartu ten kan hmu emaw kan hria a nih chuan comment na lamah tarlan nise a lawmawm ngawt ang. A then hi chu edit hman loa, chhut kai pawp pawp a ni a, nakina enlet atan a tih a ni bawk.) DEPUTY COMMISSIONER Introduction Deputy Commissioner district magistrate ti a hriat bawk chu district pakhata administrative head a ni a, India ramah chuan deputy commissioner hian district chhunga sawrkar scheme hrang hrang leh programme hrang hrang kalpui danah mawhphurtu a ni. District inrelbawlna mumal taka kalpui a nih theih nan leh district mipuite hamthatna turah deputy commissioner chanvo hi a pawimawh hle a ni. Feature (A ruangam) Deputy commissioner hian district chhunga dan leh thupek vawn that hna a thawk a, Crimininal administration ...
Read more