Topic : Deputy Commissioner paper presented by Group 1 (Unbeaten)

Group - 1

Topic : Deputy Commissioner

Group Member te :

1. H.D. Zonuntluangi (Presenter)

2. K. Ngaihtlingi

3. Lalfamkima

4. Lalhruaimawia

5. Lalhminghlu-a

(Note : Edit theih lai lai edit a ni a, a thu leh eng emaw ah dik lo awm thei a ni bawk a, chhiartu ten kan hmu emaw kan hria a nih chuan comment na lamah tarlan nise a lawmawm ngawt ang. A then hi chu edit hman loa, chhut kai pawp pawp a ni a, nakina enlet atan a tih a ni bawk.)

DEPUTY COMMISSIONER

Introduction

Deputy Commissioner district magistrate ti a hriat bawk chu district pakhata administrative head a ni a, India ramah chuan deputy commissioner hian district chhunga sawrkar scheme hrang hrang leh programme hrang hrang kalpui danah mawhphurtu a ni.

District inrelbawlna mumal taka kalpui a nih theih nan leh district mipuite hamthatna turah deputy commissioner chanvo hi a pawimawh hle a ni.

Feature (A ruangam)

Deputy commissioner hian district chhunga dan leh thupek vawn that hna a thawk a, Crimininal administration hotu a ni a, district chhunga executive magistrate zawng zawng a enkawl bawk a, police thil tih dan a control a, a kaihruai bawk a ni. Commissioner hi district office, police leh revenue te hnathawh enkawl leh endik tu, efficiency tihpuitlinna tura agency tha tak a ni bawk.

Role and Functions

District chhunga administration mawhphurhna chu deputy commissioner kutah a awm a, Executive head a ni a, fold role pathum a nei a, hetiang hi a ni.

1. Additional Deputy Commissioner : Additional Deputy Commissioner chu DRDA Chief Executive Officer a ni. Additional Deputy Commissioner post hi Deputy Commissioner nitin hnathawh na kawnga pui turin a awm bawk. Tin, dan hnuaiah deputy commissioner thuneihna ang tho a nei a ni.

2. District Collector : Deputy Commissioner hi district chhunga revenue administration officer sang ber a ni. Revenue chungchangah hian divisional commissioner leh financial commissioner, revenue kaltlangin sawrkar lakah mawhphurtu a ni.

Ram atanga sum hmuh sawrkar chhiah chi dang, fees leh ram atanga arrears anga lak let theih tur dues zawng zawng khawnkhawm hna a thawk a ni.

Ram chungchangah dikna leh chanvo record dik leh hunbi neia vawnhim hna a thawk a ni. Patwari, Kanungo leh Tahsil office-a ministerial staff post te  ruattu a ni bawk a, Superintendent of Deputy Commissioner's Office tih loh chu Sub-divisional Officer (Civil) leh Deputy Commissioner office ah te leh subordinate revenue tam zawk ruattu a ni bawk. District Collector anih angin District chhunga judicial authority zinga sum lalut hnem ber a ni.

3. District Magistrate : Deputy Commissioner hian District chhunga dan leh thupek vawn that hna a thawk a ni.

Criminal administration hotu a ni a, district chhunga executive magistrate zawng zawng a enkawl a, police thiltih dan a control a, a kaihruai bawk.

District chhunga jail leh lock-up enkawl danah supervisory power a nei bawk.

A chunga kan sawi tak additional deputy commissioner, district collector leh district magistrate hna a thawh bakah hian deputy custodian hna pawimawh tak a thawk a, displaced persons (compensation and rehabilitation act 1954) hnuaiah a thawk bawk.

Municipal committee, market committee, panchayat samiti, community development block leh zila parishad enkawlna kawngah pawh hmun pawimawh tak a chang a, hei hi thuneihna insem darh leh panchayati raj tihzauh a nih vanga lo piang a ni.

Thingtlang lama hmasawnna scheme hrang hrang execution-ah pawh mawhphurtu a ni. Chubakah District Election Officer a nih angin district chhunga inthlan neih zawng zawngte muanawm leh felfai taka kalpui a nih theih nan mawhphurtu a ni.

District chhunga Lok Sabha bial/constituency a inthlanna atan returning officer hna a thawk a, kum 10 chhunga chhiarpui neih chhung hian active help a pe thin.

Nitin hna hrang hrang thawk turin a hnuaia officer te hian an pui bawk :

1. Assistant Commissioner (General)

2. Executive Magistrate.

3. District Revenue Officer

4. District hmasawnna leh Panchayat Officer

5. Sub - Divisional Magistrate

6. Civil Defence Officer

Deputy Commissioner hi District Collector angin Chief Revenue Officer a ni tel a, Natural calamities, tuilian leh kangmei chhuak te venhim na kawngah nasa thawktu a ni.

Registration Act hnuaiah district collector hian district registrar thuneihna a hmanga, registrar thuneihna a hmang a, registration deeds hnathawh chu a thunun a, a enkawl bawk.

Special marriage act 1954 hnuaiah marriage officer hna a thawk bawk a, cinematograph act hnuaiah pawh district magistrate hi a thuneihna biala licensing authority a ni bawk.

CONCLUSION : Deputy Commissioner hi district administration -a mi pawimawh tak a ni a, deputy commissioner chanvo hi district chhunga hmasawnna rualkhai taka kalpui a nih theih nan leh mipuite hamthatna ngaihtuah a nih theih nan a thawkhlawk hle a, Deputy Commissioner hian dan leh thupek kenkawh te, revenue administration, disaster management leh district chhunga inthlanna neih kawngah a mawhphurtu a ni bawk.

Sum leh pai lama khawtlang hmasawnna tur hun remchang siamsak turin remna leh muanna boruak a siamsak a, infrastructure mamawh siam tura puih leh district chhunga hmasawnna zawng zawng kawngah thuneihna nasa tak a nei bawk.