Yuva Tourism Club an che tha

YUVA TOURISM CLUB HI

Yuva Tourism Club hi zirna in sikul hrang hrang High School , Higher School leh College Level thlengin zirna in hmun tam takah din a ni a, alawmawm hle mai chumai nilo a lo buaipui turin Kolasib District zirna school in thenkhat ah Teachers Coordinator ruat a ni bawk a, a ropui hle mai, zirna sikul a dinna ah hian Coordinator an ruat te chak leh chakloah te, Zirlai leh teachers incharge te thawh ho na kawngah pawh thui tak a in nghat ve deuh bawk ang.

Govt. C. Zakhuma Higher Secondary School ah pawh Yuva Tourism Club chu 2022 khan din a ni a, din anih atang khan vawiin thlengin sikul mai nilo society thlengin an la tangkai pui kan ti lo thei lo vang. Din anih atang hian zirlai te activities hrang hrangah an phur leh zual a, cultural exchage atana pawimawh tur hnam lam chi hrang hrang te an zir a, khawlai a bawlhhlawh leh lui hnar a bawlhhlawh awm te an chhar khawm bawk a, fak phut lo fak an phu hle a ni, hei mai nilo, hmun hrang hrang an tlawh tawh bawk a, heng an tlawh zinga thenkhat chu ‘Runglei’ leh

‘Khamropui’ hi a ni.

Dt 15th June, 2023 khan Yuva Tourism Club, Govt. C. Zakhuma Higher Secondary School member te leh Teachers incharge thenkhat te chuan Kolasib District chhunga hmun hmingthang kan neih te zinga mi ‘Runglei’ leh ‘Khamropui’ chu an tlawh a, hemi tum hian ruah sur lai leh khaw chhiat lai a nih thu an sawi a ni. ‘Khamropui’ hi Google map ah a awmna hmun chhinchhiah a ni lo a, hemi ni pawh hian a kal ten Google Map atanga an en pawhin an hriat loh thu an sawi a ni, a hria ten an kawhhmuh atanga kal ve tawp an nih thu an sawi bawk. ‘Runglei’ atanga Khamropui zu thleng thla tur pawhin darkar 2 chuang an hman thu a kal te hian an sawi a, kawng an bo thu leh an kal thlen theih lawk loh thu an sawi bawk a ni. Hetia a hmun an zu thlen thlak hnu hian a awmna lai chu Google Map ah an chhinchhiah nghal thu Teachers Incharge ten an sawi a, tunah hian Google map ah pawh hmuh tur a lo awm bawk a ni. Hetia la kal ngai miahlo a hmun tlawh chak leh tlawh duh te tan awlsam takin kawng bo miah lo pawhin Google map a en chungin an thleng thei tawh dawn a ni. A ropui hle mai. 

Kolasib District chhung leh Mizoram State ah chuan active pawl tak an ni a, Mizoram Tourism promote na kawngah an thawk hlawk hle a, a chian na em em pawh Twitter Account Indiatourism North East page a post an siamah 15th June leh 6th September, 2023 ah te hmuh tur a awm bawk a ni. Govt. C. Zakhuma Higher Secondary School Yuva Tourism Club te an kal leh na zel turah duhsakna ka hlan e