NAKINAH CHUAN (College kal laia ka ziah) Senior kal chhuak tur te leh kal chhuak leh zel tur te hre reng chunga ziah a ni.

Dated Kolasib

The : 24th May, 2018 to 1st June, 2018

a ka ziah tawh edit lovin kan dah ṭha ange.

“ Vawiin hun hi awm lo ni se, vawiin hun hi a nawm ka ring ngai lo va, vawiin hun hi awm lo ni se-nakinah sawi tur kan nei nang i . Vawiin avangin nakin hun thlirna a hlu a, nakin hun avangin vawiin hi a ropui leh zual thin. Vawiin leh nakin hun hi kan pahnih duhthlanna leh kan ta a ni .”

A chunga kan hmuh ang hian vawiin hun hi awm lo ta se vawiin hi nuam ti leh thawveng takin kan hmang thei lovang a, kan thil sual tih te in siamthatna hun duh mah ila kan nei ngai hek lovang. Vawiin a vangin kan nung a, vawiin a vang vekin tih boral in kan awm thei a ni tih a ti chiang hle.

Kan tun hun hi nakin ah chuan hman a chang tawh awm si a hrilhhai thlak dawn mange. Thenkhat chuan kan tun hun hi engmah a ni lo. Nakinah a siam that leh theih vek a lawm an ti thin mahse keichuan, tun hun hi a pawimawh ka ti thin. Ka ti reng bawk ang.  Achhan chu nakinah siamthat na hun pawh nei mah ila, a hma ang khan thil hi a kal thei tawh lo a ni tih hi thil chiang a ni. Mitin in harsatna kan tawn dan leh kan hmachhawn dan a in ang lo ang bawk in, kan harsatna leh kan thil thlir dan te pawh a in ang  bawk hek lo. Chuti chung chuan thil hi thlak danglam  zung zung leh siamthat nghal thei mai turah kan in ruat thin, chu chu thil harsa tak a ni.

Tun tum chu rin ang lo takin hun a in her chhuak a in hmu ngai tawh reng reng lo tur angin lung a leng a, ngaihzawng ngaih tur nei mang si lo hian thian te ngaih a zual a chumi piah lamah season thar a rawn herchhuak a, pawl anga kan lo thawh ho na ah te, thian te ngaih a zual a, ahun laiin han ri nek nek In han buai viau thin mah ila ahnu ah a lo ngaihawm leh phian thin.Hun liam ta kan aukir thei tawh lova theih chang se tih chu kan hmachhuan a lo nita ber sia le….a van hrilhhai thlak duh ve ! A then te chu kan lu kir ngai in kan la kir reng anga, thenkhat zai sang thei deuh te….zai ve duh si zai a maw in ti a, hla chang sawi duah duah te, tu emaw star rawn em em tlangval virgin emaw ti a, mi te biak that hlawh em em a hnu a mi duhtak leh pawmlai nei lo ni si te, thenkhat cho loh val tawn vanga lungngai leh a ruka ngaihzawn leh duh em em te in neih ni a kal a, a ruka thinlung na si, thinlung hlim anga lan tum  ho te kha an va han ngaihawm dawn tak em! . Chu mai nilo thenkhat te anga ‘ midum pangpar ’ ti a han chhaih fiam tur te an awm tak dawn si loh avang leh min fiam a, min fuih a, thahnemngai tak leh duhsak taka chanvo te min pe a, anni an awm avanga lungmuang tak leh hahdam taka ka awm theihna pawh a ni a. Chumai ni lo mahni in ring tawk taka ka awm theihna chhan pawh an ni vang a ni. Tunah chuan engkim mahni ko ah a tla tur hi a hrilhhai thlak hle mai. Pawl anga zirlai te tana kan thil tih chhinchhiah tur bei tham hle mahse kei chuan in hmel leh in nungchang erawh bei tham ni lo in ka star mark reng dawn a nih hi hehe……... 

Ti hian Govt Kolasib College a graduate tur te, pawl lo hruaitu ni thin tawh te, hneneh thuchah in hnutchhiah dawn teh ang. He college in lo kal ve tawh na a nih avang hian kan zah sak hle che u a, a kul ataia in in hman na thin te pwh a lo ni tawh thin ang chu chu kan hre reng a, neitu rilru pu a he college tan ti a thahnemngai taka in lo thawhna ah te lawmthu kan sawi a, he College hmingchhiat leh a chak loh ber lai pawh a dawmkang tu leh chawi vul tu ni a in lo tan avang te pawn ala awm a te zawng zawng ai awh in lawmthu ka sawi a…Hei tunah in lo chhuak dawn ta a, ui  tak leh ngai em em che u in kan awm reng dawn a nih hi.

 In lo chhuak ta a nih pawh in in lo kal tawhna leh in lo chhuahna anih tawh avangin he college hi lo tlawh theihnghilh ngai suh ula, a chhung a cheng te kan lo beng var lo a, lawmna chang kan lo hre lo che u a nih pawh in he college hi chuan bengvar tak leh tlangnel taka in awm theihna tur in engtik lai pawhin a lo lawm reng che u a, he college hian aduh ber pawh in thlahrung loa awm tir che u a ni. He college thil tih leh hmasawnna te in hmuh in ‘ lo uipui tui lian thlir ’ mai mai lo ula  fak kan ngaih laiah te faka sawisel kan ngaih laia te, mi phen atanga sawi mai lovin a chhunga luh chilh ngei in min lo hrilh thin dawn nia.

Tunah chuan a awm a te  leh a thut hmun nghaka a neitu nihna chang a te hian neitu thinlung pu a, he college hi kan enkawl a kan chawisan loh chuan tuman an lo chawisang dawn lova, chu mai nilo kan hranghlui te hmuhah kan meng ngam dawn em ni ?. Tin he college hi la chhuah sana zirna sang zawk leh mahni pawimawh leh tul te la thawhsan theuh tur te kan ni a, tu emaw tawngkam takin ‘ nang I hmunah kei ka hmunah ’ kan la ti dawn tih a chiang reng mai. Chu mai nilo he College a lo zir chhuak tawh te leh thahnem ngai taka pawl lo hruai tawh te hi he college an rawn tlawh hian zah taka bengvar chhuah a lo lawm thiam hi an phu mai ni lovin kan tih mak mawh a ni. Chu mi kan ti lo a nih chuan nakinah kan la graduate ve dawn a, he Govt Kolasib College hi kan la tlawh ve ngei duh awm si a, ‘ kan chungah mi ten ti se kan duh ang bawk in mi chungah pawh ti ve ila ’ mihring chu that chhuah a in lawm tawn kan ni. Chuvangin mi chunga that chhuah hi I theihnghilh lo bawk ila, mi chunga that kan chhuah avanga kan khua a sik hluah hluah a kan chau let der a nih dawn loh chuan mi chunga that chhuah leh hawihawm taka mi biak hi I hreh lo ang u.

Mi ten Govt Kolasib College hi an lo hmuh vul a, alo changkan , hma a lo sawn a, a lo that zual zel theih nan midang tih tur te, hruaitu tih tur te atana ruat lovin I tang rual ila, mahni atangin siamthat hna thawk ila, kan tun hun hi apawimawh a ‘ NAKINAH CHUAN ’ ti a thahnem ngai taka ha hip a tu emaw te hnena kan sawi theihna turin, tun  atang hian zirna leh thil tih engkim ah a ber kan kai theih nan leh chhawr tlak kan nih theih nan Govt Kolasib College zirlaite tan/hma ila ang u.