Vote thlak pawimawhna Essay (Class Xii ah P.A la tan chuan chhiar ngei ngei chi.)

Vote thlak chungchang ka ziahna hi Vairengte Chanchinbu pakhat chuan min chhuahsak tawh bawk a, an chungah ka lawm hle a ni. Heng hunlai a an editor pawh U Lawma a ni nge nge. Edit lovin a ngai ngai in ka dah lut e.

*VOTE THLAK HI*

Dt. 25.08.2020

Bawihtea-pa

        Kan hma lawk dt 27.08.2020 lo awm turah hian Village Council/ Local Council inthlan chu kan lo hmachhwn dawn ta reng mai chu chu Democracy kalphung a ni leh lawi si . kan khawtlang aiawh tur leh kan hruaitu tur kan thlang dawn a ni a, ngaihtuah na fim tak nen vote kan thlak ava pawimawh dawn si em!

Vote thlak hi kan bat a ni a, Democracy hi ram inrel bawlna tha bera ngaih a nih vangin India pawh in a hmang a, Democracy bulpui ber chu VOTE THLAK hi a ni. Mipui te hian vote thlak ta lo vek ila, Democracy hian awmzia a nei lovang chuvang in vote thlak hi kan tih makmawh a ni.

Engvangin nge vote ka thlak ang ?

1. A chhan chu ka mawhphurhna, ka chanvo, ka dikna a nih vang a ni, vote kan thlak hian ram rorel tu tha lo, khawtlang hruaitu tha lo awlsam taka kan hnawlna emaw kan duh loh zia tih lanna pakhat a ni.

2. India Danpui in chanvo min pek kum 18 chung lam ka nih tawh vang a ni.

3. Inrelbawlna tha leh kalphung tha kan duh avangin vote kan thlak ang.

4. Mi diklo sawisel thei tur leh ka mawhphurhna hlen ngei ka duh avangin vote ka thlak ang.

5. Ka aiawh tur duh ka thlang thei tih ka in hriat avang te in etc.

Vote Pawimawhna

1. Kan ram/ khawtlang in kawng dik a zawh theih na tura chanvo, thuneihna min pe tu a ni.

2. Vote hi kan thuneihna hmanrua hmuh theih loh leh khawih theih loh a ni.

       Chhuanlam eng eng emaw avangin vote hi kan thlak lo fo thin a, vote tlak tlem na ah chuan sum nei tam deuh tan chuan in lei tlin te a awlsam thin avangin vote thlak hi ka tihtur ngei a ni tih hria i la, Candidate te lei tlin mai mai theih tur pawn i awm lo bawk ang u.

Vote kan thlak hian kan chanvo, kan mawhphurhna kan hlen a ni tih hria ila, mi tin te vote thlak i tum theuh ang u.