Faina leh Thianghlimna Essay

Kum 2019 a Vety Department Kolasib buatsaih Faina leh Thianghlimna tih thupui hmanga Essay in ziah siak ah 3rd Position ka hauh ve hlauh a, edit lovin a ngai ngai in kan dah ange.

FAINA LEH THIANGHLIMNA

'Faina leh Thianghlimna' hi sawi hran theih loh in kawp tlat awmze thuhmun leh in rem em em unau ang maia in hne rem an ni. Kan taksa emaw khawtlang emaw,  ram emaw a pawn lam landan mawi leh duhawm taka kan sawi dawn chuan ‘FAINA’ a lang tel lo thei lova chumi in a a ken tel kan hmuh leh tha em em thu uarna leh chhungril  hneh ngawih ngawih theih tura sawi kan duh chuan ‘Thianghlimna’ hi a tel lo thei lo bawk. 

Kan khawvel thang chho zelin a ken tel hmasawnna chu keini thangthar te hian hmasawnna duhawm leh tluantling berah kan ruat/siam thei a, chumi ti thei tur chuan kan bawlhhlawh paih te kan thil eina kawr te, hman hnu hman theih  te anih chuan hman theih reng tura siam te leh kan bawlhhlawh paihna te a ṭawih thei leh tawih thei lo te chu thliar fel thiam ila, chu ringawt pawh chu ‘Faina leh Thianghlimna’ kawngah kan hmasawnna pakhat a va ni dawn tehlul em!

Engtin nge bawlhhlawh ṭawih thei leh ṭawih theih loh kan thliar fel ang ? Thil ropui tih vak angai hran pa lo awlsam te a ni mai chu chu bawlhhlawh bawm neih hran hi a ni.

Faina leh thianghlimna hi mitin in ngai pawimawh ila, chu chuan midang te nena kan inkungkaih na ah te, nun thlak hlelna te min pe ang a, kan thawh rah chu alo lang thei ang. Chhungkua a kan tan a,  kan in fuih a thil tha leh tha lo te,in zirtirna chang kan hriat chuan hmasawnna piah a thianghlimna chu a lo lang chhuak dawn a ni.

 Chhungkua a kan tan zawh in khawtlang ah a lo lang chhuak anga chu mi khami kha ti rawh ti a in hrilhhriat hran pa a ngai hek lovang.Tlawmngai pawl tam tak te naupang a tê ber atanga in zirtir in khawlai ah bawlhhlawh paih mai mai lo turin hei ai hian in zirtirna nasa zawk kal pui nise, chu mai piah lamah zirtirtu te hnena awareness campaign hei aia nasa zawka neih nise a chhan chu mitam tak te hriat loh hre tu naupang enkawla an tana tha tur leh kawngdik kawh hmuh thei ber tu te, naupang te entawn tur ber leh hmahruai ber tu te ni leh zual se la chuan hei ai hian engvangin nge ‘Faina leh Thianghlimna’ kawngah hian hma kan sawn loh teh lul ang ni.

Khawtlang timawitu leh tibaltu ni thei kan inthlahdah erawh chuan chhiatna tam tak siam thei Sarang leh Plastic lam chi te, mahni kawmthlang ah paih mai mai lo ila, kan paih mai mai loh nan hei aia chak zawkin chhungtin hnenah in hrilhhriat tharna hun awm se emaw chhungkua in tawih thei lam chi hmang uar tura inzirtir te, kan hman hnu la hman theih tura sawngbawl thei tura inzirtirna uar te, kan tui chhe paih te leh tuihawk luankawr te  chu uluk tak leh tha taka thil dang in a tih buai loh nan a  kawng tha tawk tak  te sial sak ila, chu ringawt pawh chu ti  thei ila chuan hmasawnna duhawm tak Zoram in a nghahfak ‘Faina leh Thianghlimna’ chu kan nei mai dawn a ni.

Faina leh Thianghlimna hi ral leh lama awm a ni lova, kan bul mai a awm, kan ban phak mai nisi, mipui mimir tena kan hmelhriat leh anawlpui ina kan kawmngaih chak em em mahse, kan kawmngaih theih miah loh chu a ni. Mitin hian chhungkua kan in enkawl dan hi Khawtlang ah a alang chhuak thin a, chu chu midang te nena kan nun ho na ah te, puipunna ni khua ah te, khawtlang tana hna kan thawh a, kan hruai dan ah te hian kan fimkhur a, kan tih makmawh ah ngai in Thianghlimna kawngah mawhphurhna in siam ila,  tun ai hian ‘Faina leh Thianghlimna’ kawngah mite tih hmuhtu kan ni thei tih hi lan tir tumin phe suau suau ila, mitin te kan phur tlan a kan tan ho theih nan thuneitu leh hnathawk tu te, thatah in lâwm tawn ila, kan harsatna te in hrilh tawn bawk ila , chu chuan Ram pum ang zawng pawn hmasawnna duhawm tak a ni ngei ang.

Kan hun lo kal zelah hian hmasawnna rahbi kan kai chho ve zel a chu rahbi kailawn pawimawh tak pakhat chu faina leh thianghlimna kawnga hma kan sawn hian a ni. 'Kan bawlhhlawh paih dan in kan mizia a ti lang 'chiang em em a, a paihna tur dik taka kan paih loh a, kan inbul leh a vel mai mai a kan paih chuan kan thil eitur tho in emaw, rannung in an bawm chuan keimah ni ah natna eng eng emaw kawṭhalo, luakchhuak, pumna etc thlengin kan nei thei bawk a ni.

Tun  hma in kan hman hnu kan duh tawh loh chu kawng sir emaw in bula an hun bawlhhlawh bawm ah te, paihna chang an lo hrelo a nih pawhin tunlai kan khawsakna engkim awlsam taka kan thawh theihna ah hian harsatna min thlen thei tu bawlhhlawh hi uluk taka kan enkawl a, a paihna tur hmun dik tak bawlhhlawh bawmah ngei mai paih tum hram ila, a hrelo te hnena hrilh hriata puan darh te, mi changkang hmel tak si kan bawlhhlawh paih duh dan ah te kan la fimkhur loh a, chen ho pui kan lo la thlan zawk fo chuan hmasawnna leh damreina kan la hlat a ni tihna ah angaih theih awm e. 

Khawtlang kan enkawlna kawngah hian a hruaitu tur te tihtur alawm ti mai lova, mitin hian mawhphurhna kan nei a chu chu mahni in bul tan hmasak a ni.Chu chu harsatna min thlen thei tu, damlohna, nun nawm lohna thlengin, kan mawhphurhna theuh te hria a, ti  turin tan la ila kan hriselna ti chhia a, a tibuai tu bawlhhlawh leh khawtlang tana hnawk ran zun leh ek te a lo awm anih pawhin mahni in thianfai mai ila khawtlang thianghlim, khawtlang hrisel kan siam thei a ni.

'Faina leh thianghlimna' hian nun a ti hlim in min ti hrisel a, harsatna tam tak kan tawh te pawh min chhawk zangkhai tu ber a ni. Faina leh thianghlimna hi a pawimawhna leh a thatna te hi sawi tam ila  chu chu kan chhungkua ah te khawtlangah te, faina leh thianghlimna te chu, Ram ang te pawh in hmasawnna duhawm tak min thlen mai bakah khawtlang nuam, kan chhenna hmun duhawm, khawtlang hrisel te chu  din turin midang an ngai lo. Mahni in bul tan ila chu chu ruat awt loa min siam tu ber tur chu a ni.